重返校園, 像時光倒流一樣, 看見當年一張張不同的學習態度重演在眼前,

有人在summer take 21 credit <--呢條友一定癲的, 在開學見過一次後, 像在空氣中消失一樣, 聽聞白天上課到天黑, 晚間唸書到天光, 很久沒有見過陽光, 很久沒有接觸塵世間的七情六慾了.

有人花了多時間金錢來了美國, 8 堂走3 堂, 在大考日子也不出現, 然後msn 問有甚麼功課, 我忍不住答 ” 小姐, 今日最後一堂啦, 而且仲係考試添, 唔考唔緊要呀, 走堂事大呀, 我已經計過你走左三堂一定羅到個W GRADE, 仲大鑊過唔考試呀, 會影響個Student visa,” 可能小姐厭我囉嗦又誇大事件 (我可是實話實說的)

有人不見了整本notes, 哭喪著臉到處找也找不到, 功課交不出, 那人 “夜夜夜半啼, 聞者為為沾襟. 聲中如告訴, where is my note book ?” 兩天後鬼頭一本野打落那人處, 然後說 ” 你留左本野向班房”, 事隔一星期, 案件重演, 在同一地方又留下 note book, 鬼頭這次反應很快, 立即拉住那人…然後怪叫地說 “你又留底本野了 !!!! 下次你會忘記帶你個頭 !!!!!”..          那人 = 筆者

( 令我身敗名裂的原兇, 仲要比鬼頭打左一野  - 79106.jpg )

這個星期連續兩天要做speech, 題目是”過程”, 班上煮食愛好者異常興奮地”講”自己的拿手小菜, 齌talk事小, 真的有食物拿出來事大, 這兩天跟本不用吃早餐, 返學就是吃自助餐, 而且水平之高, 5星酒店請行開一邊, 韓女與我天天在偷笑, 又有免費早餐吃 (韓女是我較好的同學仔啊 !), p.s. 那次 speech 我講的是煮蜆 (請看上一篇文章)…仲講到天花龍鳳, 同學問我的制成品, 我唯有左望右望不敢面對對方眼神語無倫次地說….”食物有shell 不能保存持久的 !! 呵呵呵! 今天天氣很好啊 ! 呵呵呵 ! 你母親好嗎 ? 呵呵呵”

(79105.jpg ) 好味到不得了的布丁……(韓女與我見到野食癲哂, 食到最後一啖先記得影相)

那個xyz acoounting, 又來 one lesson two chapters………………(捱多三堂…三堂後惡夢會完的….)

(79109.jpg ) 每次上堂, 也要默默地抄, 由左黑板抄到右黑板, 老師要同學們堅守老師立下上課規則, 就是 “不要問, 只要信 !” 如果有人提出疑問, 老師會懷疑發問者挑戰第屬國土法則, 刁民會重重被罸 (罵到狗血淋頭),

e.g. 同學A 只是簡單問老師可不可以寫字大隻D, 同埋左邊第四行第8個果個咩字來的, 老師已意識到權威受威脅 (其實我也剛剛想問佢果個乜 Q 字來的 ), 然後老師變得異常失控 及罵: ” 睇唔到就坐前面, (就係個個都睇唔到D 字, 前面已經無位了, 同學都提早半個鐘返學霸頭位了 ), 我D 字係咁架啦, 睇唔到咪返屋企睇書羅, (如果淨係睇書就OK , 洗鬼俾錢上堂咩 !), 我唔會遷就任何人的…..”   <---- 講野咁潑婦既...

眼見問一個死一個, 我還是 不要問,只要信 的默默地抄, 默默地抄….默默地…默默織…..默默織織.(抄到開始short 了) ..織織….織織復織織, 木蘭夠招積…三點式…好蝦人著…zzzzz…

(眼光光 - 79111.jpg ) 抄到眼神呆滯, 要拍照留念….然後再抄…..

 

(79108.jpg ) 抄到思想混亂, 無啦啦去影我著緊對人字拖返學…再抄..

 

(79112.jpg ) 好野 ! 夠鐘了 ! (真係放九點幾的…..) 望乜q野呀 !! 死鬼仔!! 以為阿姐我想媾你呀 !!!! 慳d 啦 !!

有錄上堂教書既聲音…不過唔識擺上網啊…