不知點算好…..
我有件事..唔知點做..可以講玩大左……. 話說上一學期的WINE APPREICATION 真的讀得慶合合, 阿SIR 明顯種族歧視, 仲要擺明恰留學生, 我死忍爛忍, 忍到最後考試果日終於爆發, 因為佢公然比所有走堂既本地生出席率滿分, 而留學生就算返足堂都羅唔到滿分喎. 其實呢條友向留學生圈子個名已經好臭, 佢果科係必死科, 我當初無知地踏入死亡之課, 而佢亦失算地遇上個癲婆.. 我們的內力戰就這樣開始… 考完試, 我嬲到幾乎爆血管, 走廊到遇上另一位對我非常好的老師, 我同老師呻, 佢教我要去, 就要盡, 直接去大老闆到投拆. 可惜大老闆提早了聖誕旅遊, 我就走左去二老闆房, 二老闆不在房只得秘書小姐, 秘書小姐聽完我既怨屈, 就叫我唔好去咁大粒住, 比左兩個高層電郵我玩.. 我寫左三封都石沉大海沒回覆, 我就寫一封給秘書小姐, 叫佢老闆好覆啦, 加埋暗示我將FORWARD 比大老闆. (我極懷疑秘書小姐係間諜來的) 假期後整整三個月, 我亦寫左三個 REMINDERS 佢都無覆, 即係耍我了, 其間諗返呢件事都好慶的, 但係呢個學期功課實在太忙, 慶還慶但無時間理. 呢件事前後發生已有差不多半年, 本來應該係不了了之, 最後終於玩大左既因由係星期二既雞尾酒堂, 果日係最後一堂, 一考完試我地又玩隊酒, 幾個SHOTS 後就變得SHORT SHORT 地 (詳情另一篇細說), 總之返到屋企仲好HIGH, 情緒高漲起來, 又突然又諗返起呢件事, 就打左一篇驚世駭俗既大作 (我飲醉左都係可以打字的), 驚世駭俗不是內容, 而是我SEND 的人物, 有校長, 有該系的頂頭大佬, 有留學生同學生會主席 , 有Dean of Student Affairs, 有Vice President for Student Affairs, 我記得當晚有考慮過寄埋中國, 香港, 韓國同日本既MEIDA, 但想來想去我除左蘋果既EMAIL ADDRESS 外其他都唔識的, 所以就放棄, SEND 左先算… 猜不到, 第二朝收到驚喜, 因為果晚唔小心FORWARD 埋比其中一個被我投訴既人 - 即係二老闆, 二老闆親筆回了一封EMAIL 一封道歉信比我, 佢話會立即調查呢單已經發生左半年既案件, 仲約我下星期同佢, 另一位高層開一次會議了解呢件事, 呢封睇黎好似非常有誠意既EMAIL, 背後隱藏另一種恐嚇, 開會人物都係比我投訴既人, 我去到很可能被殺害的. 呢段時間內心忐忑不安, 去既話可能被殺, 但可以為國増光, 做留學生既大英雄, 唔去既話又太衰女, 攪到咁大衰收尾! 不過我都唔向呢間學校讀咯, 無咩所謂啦! 但係墨西哥之星並唔同意我既縮沙行為, (墨西哥之星是最近認識好朋友), 佢冷冷一句 “well don't forget you have my support”, “if you want me to show up for support then i can help best i can” (你…你..你也太明顯吧!) 雖得墨西哥之星鼎力支持, 但我還是十五十六, 究竟去唔去好呢…
回應(17) | 回應的RSS | 暫時未有引用通告| 
(4)
joejoe
小汀
ball
kickin8
2008 五月 16 at 6:47 pm 他沒有肥你﹐你為甚麼一定要得滿分﹖螳臂擋車﹐是否餂底的一定是自己﹖我認為你
一定要去﹐道個歉﹐希望無事。
2008 五月 16 at 7:08 pm 去﹗
2008 五月 16 at 10:17 pm 去!!!!香港學生唔係臘鴨 ...飲多兩個shots先去!!!!
http://www.youtube.com/watch?v=Zlft4gpiq44
2008 五月 17 at 12:12 am alan,
錯不在我啊, 要道歉係佢地呀, 因為佢地種族歧視+ 加有投訴不理, 依家比我嘈到佢頂頭果邊, 佢地先反應咁快, 我唔想去既原因, 去會果邊全部都係被我投訴既人來的, 係一個唔公平既會議
2008 五月 17 at 12:56 am ALAN,
還有呢, 我咁慶既係, 佢第一堂第一句說話係講, 留學生通常羅差成績, 因為佢地英文唔好, 半個SEMESTER 之後就唔讀. 但係WINE 既野, 個個都知, 8成都唔係英文來的..佢向到UP 風濕乎?
2. 出席率係講學生有無返齊學, 有乜理由本地生走堂可以羅滿分, 我地D 返齊堂反而唔係? 即係鼓勵我地走堂?
仲有其他濕碎野, 如上堂講, 唔鐘意 同D英文唔好既 人一齊, 上堂落堂問書發爛查, 我依家先來爆佢樽已經好脾氣了, 之前就係佢睇中留學生怕事, 否則無可能係咁的.
我果科已經判左死形, 但係我唔服, 一定將呢件事發揚光大, 起碼對下一批留學生, 已犧牲既留學生有個交代.
2008 五月 17 at 3:08 am hitcake﹐你說這件事已經發生了半年﹐半年後縱使可以平翻﹐出番淡氣﹐但分數仍
然不能改回滿分﹐因為這是校例﹐世上楊梅一樣花﹐分數一出了是不能改的﹐請問
投訴有何意義﹖既然這個會議因你而起﹐當然不能臨時縮沙﹐否則會影響你的誠信。
到時你可以依事直說﹐但不要抱太大希望。祝好運﹗
2008 五月 17 at 10:40 am 打餅妹~如果你驚o既話~去之前再隊幾個SHOTS先~包你唔驚~仲有~驚就兩份驚~加油~據理力爭~
2008 五月 17 at 11:47 am 既然得大家鼎力支持, 小妹就硬橋硬馬去吧!
以小妹工作多年經驗, 對方人物實在對小妹太不利, 我亦沒可能搵到比佢地更強既人物支撐場面, 既然是這樣, 我就跟他們玩一次辦公室遊戲吧!
2008 五月 17 at 11:59 am 盅個打餅頭去la.撐你.
2008 五月 17 at 1:02 pm alan,
我只可以說今非昔比, 現今學分如已計出, 亦可以其他因素更改, 但如果繼續留在這間學校讀書, 呢個分數一定有極大影響.
現階段來說分數對我意義不大, 來這主要目的是挑戰自己, 不是挑戰學分或是挑戰權威, 如主要為學分而駁, 我不會用這樣方式行動.
每一步踏出 是每一個突破. 我相信每個人在有條件底下可以爭取有關權益的. 老實說, 就算我這次談判失敗會損失甚麼? 我這次真的縮沙會對我將來事業有何影響? 對不起, 我想不到. 但這次行動是給留學生另一個思考方法, 就是遇不公平事可以理據力爭的. (否則我幹嗎要CC 埋給無能的留學生會)
為人師長, 最主要的尊重別人也不懂得, 如何叫人尊重自己呢? 有教無類是成為教師主要條件吧!
如真的為啖氣, 我大可以去放火燒了他的車, 或直接寫信去佢公司屈佢貪污.
2008 五月 17 at 5:34 pm 打餅傻Q左.E個世界邊有工平GA.妳今日飲左未.
2008 五月 17 at 9:22 pm 遲了的回覆...
我覺得妳應該去，如果唔去只會俾人以為你理虧，玩大咗就唔敢出現。
而家唔係為爭取合理的學分而投訴更加好呀，因為都事隔半年，你無可能因為私心而投訴呢個阿sir。
不過咁，通常呢啲場面你都係蝕底架喇，話晒佢地一班人同你一條友會議．．．唉，去就一定要去，但真係唔好太大期望。
2008 五月 18 at 2:34 am 小汀,
去就去了, 我不入地獄誰入地獄...XD
不過我覺得呢次好似文革批鬥大會, 開完會後, 可能果陣頭頂帶頂"反動份子" 既帽出來來
2008 五月 18 at 1:55 pm why the hell not? go fight for it!
2008 五月 19 at 2:48 am 像事件提升到全校種族歧視問題，搵少數民族學生會激進派出來示威 - 中國人並非東亞病夫- 也打~
2008 五月 19 at 4:04 pm 一夜劈酒玩大左...
2008 五月 19 at 8:24 pm 打餅 go go go!
我識既你唔係鵪春...咪 x 聽條傻佬講。