各位，　我沒有在旅遊中踩中炸旦炸死，　ＢＵＴ　卻給網上痕幾乎氣死. 以下就是我們的由第一次發生關係到第七次仍然糾纏不清.

第一次發生關係

8 月2日網上痕師傅上門安裝寬頻及WIRELESS 服務, 師傅駁通後離開，而我的連線兩小時後立即死掉。

第二次發生關係

打電話給網上痕技術支援部安排維修, 師傅駁通後離開，而我的連線兩小時後立即死掉。

第三次發生關係

再打電話給網上痕技術支援部安排維修, 師傅駁通後離開，而我的連線兩小時後立即死掉。

第四次發生關係

打電話去技術支援部安排維修及客戶服務部取消WIRELESS 服務, 理由係用唔到, 個CS 姐姐好叻維護公司, 要求我賠返18 月既合約賠償, 我立即炒蝦拆蟹媽叉佢, 用都未用到, 佢地連合約都覆行唔到就叫我賠? 痴Q 左線乎? 我叫佢轉去比佢既當值經理聽, 因為CS 姐姐好似耳仔好似聽唔到野咁, 係都要我賠, 仲要我唔賠會取消維修預約. 我同佢講, 真係無可能再溝通落去, 因為佢完全唔聽客戶既說話…

 我要求收線及投訴佢, CS 姐姐仍然講我簽左就要一定賠, 我忍無可忍地CUT 線, 條女竟然連續打5 次電話來, 次次我都講左一句 “小姐, 我同你無法溝通, 請你唔好再打電話來!” , 最後一個電話佢講 “我都只係想同你講一句, 我個位係轉駁唔到電話比經理的”, 佢唔講由只可, 一講把 X 火, 佢當左我第一次打電話投訴乎?

我同佢講左一句, 果句之後佢就真係無打電話來 ” 小姐, 依家你係電話滋擾, 我會考慮報警!”

果下火都黎埋, 打電話去NETVIGATOR CS到投訴, 呢位CS 小姐就推翻哂之前講既野, 精華折錄如下 :

1. 如果我地比唔到服務客戶, 我地絕對唔收錢的.

2.我地呢到唔可能CANCEL 小姐既維修預約架.

3. 我當然可以轉駁電話比我地經理啦, 不過你可能要等耐D, 因為經理比較忙的, (最後都無比到經理)

而我呢投訴呢間呃人大機構太有經驗了, 我果時已經寫左第四封投訴書去, 比較精彩既係以下果封:

技訴內容
>
> 1. 貴公司員工拒絕接駁電話給上司與客戶溝通, 無理取消預約服務, 及無理要求客戶賠償合約損失, 續而電話滋擾. ( 有關員工 - ANN  AU)
> 2. 致電貴公司跟有關陪門技訴, 貴公司員工稱有關當席經理要等相關報告才作決定致電給客戶(有關員工 - CANDY LEUNG)
>
>
> 貴公司不能提供服務於客戶, 卻要求客戶賠償取消合約費用, 請問是否貴公司一貫處事作風?
> 貴公司員工服務態度差次, ANN AU 與 CANDY LEUNG 可以有兩套不同解釋, 請問是否代表貴公司員工培訓宗旨?
> 貴公司經理愛理不理態度, 要求有報告才選擇性跟客戶聯絡, 根據 ANN AU 小姐電話滋擾一事, 已足夠理由報警處理,
> 貴公司經理是否要等要到警署報告才選擇決解問題?
>
>
> 因貴公司8月2日到現在不能提供合約上提出服務, 其中兩次上門安裝需本人請事假留家等候,
> 加上因貴公司服務質素問題令本人在辦公時間額外處理該事件, 請問貴公司如何賠償本人損失?

 

當日師傅上門駁通後離開，而我的連線兩小時後立即死掉。

第五次發生關係,

因為暫時待業的我日日打幾個電話去叉佢D 服務, 及嘗試接觸傳說的經理 (其實只不過測試下呢個人是否存在的), NETVIGATOR 呢樣真係進步左, 以前我打兩個電話媽叉一輪後就直接同經理講野, 依家我打左N 次都搵唔到接唔到俾經理, 即是說以下去信是假的, 吹下水, 耍下你班傻仔而已.

> 親愛的客戶︰
>
> 多謝閣下的電郵。
>
> 首先，很抱歉知悉閣下所遇到的情況。
>
> 然而，為提供進一步協助，我們已將閣下之個案轉交至客戶服務部的部門經理跟進，敬請稍後有關同事將會盡快回覆。
>
> 不便之處，敬請原諒。
>
> 如閣下還有其他疑問，歡迎電郵或致電客戶服務熱線 1833833 查詢。
>
> 多謝閣下使用「網上行」服務。
>
> Amy Tam
> 「網上行」客戶服務部

後來我成功咁搵到一個精神比較正常既CS 講, 佢話有個叫YOYO 既同事會直接FOLLOW 我單CASE, 而且YOYO 已經打左電話比我, 但係搵我唔到, 我好奇怪, 我從來無收過電話, 而且電話係廿四小時跟身的, 最奇怪既係, 我都無留過電話向EMAIL 到, 佢地點搵到我?? 我反問, 佢打咩電話NUMBER 比我, 結果佢UP 左從來沒有在我的生命中出現過既NUMBER, 我比較有禮貌說 : 不如咁丫, 你打去999 去搵我丫, 999 應該搵我唔到的, 咁你地咪可以落RECORD 寫 “不能聯絡客戶羅!” 

 

你可以問候網上痕電話入面的員工 (緊記要MARK 低人名) 絕不能得罪上門師傅, 因為真正解決問題的, 而又親力親為的, 就是這班型英正靚帥的哥哥.

第六次發生關係.

話說我第五次連線失敗後, 同師傅講過我兩年前都有同一問題攪到要取消合約, 師傅建議可能裝修拉線問題, 叫我試下由屋企電話總盒直接拉條線出來做TESTING. 當日我叫裝修哥哥拉左, 師傅哥哥立即測試, BUT 都係一樣, 兩個後小時斷線.

 

第七次發生關係.

第七次師傅決定使出最後一招, 就係幫我拉過條街線, 佢話呢招都唔得, 佢都無能為力, 老實講, 佢來左咁多次, 都已經人致而盡, 而且真係怪唔到網上痕的, BUT 佢D 電話入面既員工只可以用三個字形容 “小喇叭!!!!”

其實師傅都留底個電話比我, 佢話有咩事可以直接搵佢. BUT 好老實講一句, 我依家係同佢公司駁數, 每一次我都起碼打兩次電話留RECORD, 點解兩次, 好簡單, 我比班”小喇叭” 點過無數次, 明明留左APPOINTMENT, 再問果時可以話無的.

就用以下既例子, 打電話去技術支援MAKE APPOINTMENT 維修, 第一次OK 無問題, 因為呢單CASE, 網上痕比我日日疲勞轟炸, 佢地有個專人負責呢個CASE, 果條友打電話問我進度點, 我就順便叫佢CONFIRM 多一次個APPOINTMENT, 佢都講OK 無問題, 然後我唔記得咩事再打多次技術支援部問佢地野, 再CONFIRM 多一次APPOINTMENT.

不可思議事件發生了……

佢話搵唔到我記錄, 然後再問我個人資料, 再問師傅既資料, 再問我部野發生咩事, 有無RESTART, 有咩燈著……………….重覆又重覆問幾次………(試過呢個經驗既人應該明白我既感受….)

向佢問我第三次身分證NUMBER 同LOGIN ID, 我忍唔住破口大罵, (SORRY, 就算你地罵我港女都好, 我真係頂唔順呢D 精神虐待, 每次打電話去都係比佢地折磨一番先去到主題, 仲要有時佢地每個人講既答覆都唔同的.) 我話 : 我已經第三次提供 ID, 唔該你地CHECK RECORD, 我已經講左之前兩位同事都CONFIRM 左APPOINTMENT, 點解去到你地唔得? 你係咁問我D 資料都無用, 點解你唔用你公司SYSTEM CHECK? 我唔想再等 (都攪左20 分鐘), 你都唔好再問我, 我提供既都足夠, 同埋你叫咩名? …CUT 左線..

隔左20分鐘, 條友仔打電話來, CONFIRM 個APPOINTMENT 仍然向到…….<--.......

 

後記:

我個連線已經回復正常,

雖然我次次打電話去勁小CS, BUT 對上門既師傅非常有禮貌, 因為師傅同我成條街線拉過.

既然PCCW 咁識同我計數, 我就同佢計返, 我要佢賠償返我呢兩個星期既不便, 開頭果個叫YOYO 既當席經理話無慣例, 唔會賠, 我就串佢, 你個D 職員都識叫我賠哂成個合約損失, 仲要係無覆行個合約內容, 係咪大公司想欺壓小客戶, 仲有兩年前我同一問題都可以取消合約同埋免返兩個月月費, 你是否耍我乎?

最後佢就WAVIED 返兩個月月費, 雖然好少, 都好過無啦!