因為懶唔想打太多字寫關於墨西哥篇, 所以post 相出來, 然後再解釋返少少..

 

LA的好好味的一餐, (感動 : 嗚嗚嗚!)

 
(90623.jpg ) 

我影呢個肥嘟嘟既BB 既原因, 因為佢太可愛了, 而且佢媽媽都好可愛, 果日得十幾度, 佢自己著到成隻種咁, 淨係比條尿片BB 著, 呀! 仲有, 仲有對鞋仔著添. 呢張相絕對可以告佢虐兒 !

 
(90624.jpg ) 

墨西哥人在耡D…

 

(90627.jpg ) 

噢 ! 原來墨西哥人在耡塔羅牌 ! (乜果度興既咩 !!??!!)

(90628.jpg ) 

插曲, 在這團中遇上了英國同鄉, 仲要住向我附近, 佢係回教印度人, 向我隔離團 ! (拿拿拿 ! 佢唔係我杯茶來的, 我唔可以成世唔食豬牛的 !!), 臨走一日導遊叔叔同我講, 佢以為我口味獨特, 喜歡咖哩, 令佢十分不甘心, 後來先知係同鄉.

 

雀仔飛飛飛

(90626.jpg )

 

個境好靚呀

(90629.jpg )

 

我間房夜景

 

我間房日景

 
(90631.jpg ) 

綠色果D 係仙人掌, 估唔到幾好味的, 好醒胃!

(90632.jpg )

 

你睇我幾HIGH ! XD

 
(90633.jpg ) 

扮巴西 (??)

 
(90635.jpg )  

呢棵怪物佢地話煮送好好食的

 

(90638.jpg )

我幾鐘意呢個境, 所以加埋自己去

(90636.jpg )

 

原來呢個到曾經拍過TITANIC, 個導遊好賤咁叫我做 ROSI, 見印度人又行埋我果邊時, 導遊好大聲同埋揮手叫佢 “HELLO JACK!!”, 成班團友向到偷笑, 我見印度JACK 笑得好甜蜜……………………………………………

  

一棵好卡通既樹,

(90637.jpg )

 

無處不在的印度JACK, 又突出現我面前, 仲向我團友面前想餵我食佢手中既雪糕, 話下 !!!! 咪即係簡接接吻 !! 我打死都唔制 !! 阿JACK 佢太快太夾硬來了, 人家心理咪準備好啊, 團友強忍著笑, 剛好導遊走過來拍一拍阿JACK, 然後說 “HI JACK! 又見到你了!!”, 團友終於忍不住, 一齊爆笑起來, 阿JACK 都見勢色不對, 返左佢自己架旅遊車到, 而有些團友笑到抹眼睙中.

然後再加埋我認真地說一上句 “ 佢太急進了!”,全部又再笑過. 最後我掉左JACK 既EMAIL ADDRESS.

(90639.jpg )

    

小插曲A: 四個內地客穿著深色衫深色褲加斜咩一隻四方袋, 一齊有節奏地吐吐吐吐 !!! 好似交響樂團咁, 我嚇得狂跑, 死都要隔離50 米.

 

小插曲B. 返家途中, 向 SERVICE STATION 買野食, 有個內地客扮哂野走向我隔離, 我一見佢條尾就知佢想點, 我好大聲講 “ 唔該你排隊 !!!!!!, 呢到買野要排隊的 !!!”, 難得佢面不紅耳不熱地問返我 “乜要排隊既咩!!!”

 

返LA 果陣見到餅餅哥哥, 話說當年我個打餅得來都因為我成日向CHATROOM 到成日打餅餅哥哥而得來的 !

今日收到成績, 都有成70 %, 簡直要還神, 阿SIR 講, 下星期來個真正既TEST, 我眼睛瞪得好大, 唔係下話, 即係叫我帶埋D NOTES 去旅行姐, 聽完後好無心機, 加上牙痛關係, 試完第一round 酒已走左, 雖然今次試既係 Burgundy (果然係葡萄酒王國, 真係好好飲), 但係呢, 真係令我有d低落．致從個ｔｅｓｔ　完左後，　班上人數突然大跌，　起碼唔見左六成人．　講真, 今日聽完佢講仲有test 我都想走佬.

今日無啦啦講裝酒既木桶, 佢話法國既木桶同美國既木桶係唔同的, 有同學問有咩唔同, 佢話切法唔同, 美式切法可以慳好多木 ß—-…… 我聽完好想桶佢一刀.

  

有一條題目, 有兩分的, what is a name given to French sparkling wines made outside of Champagne?

我答　： sparkling wine

結果我只有一分．　點解岩左先得一分? 因為我唔係用法文既 sparkling wine 羅!法文叫 cremant, 但係根據佢既notice寫個意思係 made with only slightly more than half the pressure of standard wines, have a creamier mouth-feel. 仲要擺左向唔同葡萄叫唔同既名既欄到.

 

Blend : Standard Champagne.

Rose: Generally made by adding a small amount of red wine to the cuvee, although some producers extract.

Blanc de Blanc : White of Whites, made entirely Chardonnay grapes.

Blanc de Noirs : White of Black

Cremant: ß———咁樣排法, 我真係估佢唔到……..

 

But 向佢本教科書個glossary 寫 亦都可以同來形容非champage出產的氣酒, 例如: cremant’d Alsace. 我呢生呢世都會記得呢個名稱….

 

仲有一條, 佢問 Epernay 出產咩葡萄, 果條我真係唔識, 亂答, 後來個答案係 Champagne 其中一個城市, 當然係出產 chardonnay. 我睇成份notes 都無呢個名, 阿sir 講, 你有睇地圖就會知. 莫非佢當左大家都係法國香檳人? 香檳有幾個region 都會知 ? 佢最厲害既係, 本notes 寫果5個region叫我地淨係記住果幾個名就得 ! 但係考果陣出埋d九唔搭八既地方!

阿sir 你係得既 !!!!  

美國甚麼都好..就是沒有五香肉丁, 朋友一聽我這樣感嘆便在香港走私數罐五香肉丁給我而解思鄉之苦.

得到五香肉丁, 但同時失去豆豉鱗魚, 我附近的超市再沒有入豆豉鱗魚了, 四個星期也沒有貨一定不正常, 如果給我再選, 我寧願要豆豉鱗魚多過五香肉丁的 !! 鱗魚送粥, 煮生菜, 清蒸, 煮公仔麵, 炒飯, 就咁食也令我回味無窮 !

而肉丁呢 ? 不是不好, 只不過不夠鱗魚多完化而已, 我仍然愛它 (肉丁)的, 不過不再乎天長地久, 只再乎曾經擁有,  肉丁地位好像家花及野花一樣, 家花(鱗魚)穩震, 野花(肉丁)要偷才好味道, 這樣容易得到肉丁我不會懂得珍惜的.  結果肉丁送上門了, 但是我永遠失去了鱗魚…….

(90104.jpg )
(90100.jpg )

 

大隻蜆終於令我生厭了, 因為我已試了各種煮法, 仍然很好吃, 對得太多, 我們終於去到了冷靜期, 暫時, 不會見它的..

( 大隻蜆 - 83868.jpg )

 

阿拉斯加蟹腳, 最近又是吃得太多, 雖然仍然很好吃, 不過我的胃已經吃不消了, 暫時我也不會再找你的..

(90102.jpg )

 

咖哩雞, 曾經我以為可以對住你一生一世的, 不過事後你帶兩粒大瘡給我, 猜不到你是這樣毒的 !!

(90101.jpg )

 

炸菜肉絲蒸豆腐, 清新可人, 偶然清腸胃也不錯的, 長期吃就太單調了.

(90099.jpg )

 

油豆腐粉絲煲, 曾經一個星期七日也吃你, 原因是很多都說經過我包裝後的你,很迷人, 味道是好, BUT, 好熱氣.

(90105.jpg )

 

皮蛋豆腐, 好吃, 單純可愛, 有初戀既感覺, 不過你也過大件吧, 又不能待久, 吃得有D 麻煩.

 

鹵水雞亦, 永別了, 我還是寧願你是咖哩雞亦.

 

凍蟹, 明明見你跳紮紮, 有狂野FEEL, 點知煮熟後你的肉是梅的 !!!!原來你只是十八歲外表, 八十歲的內裡! 頂 ! 快回水!!!

最近我盯上了生蠔, 它實在太誘人吧, 價錢又合理, 但它一身的蠔殼, 你叫我如何色放你重重枷鎖呢 ? 自我保護意識太重了吧! 而且我實在太了解自己了, 如果真的帶了你回家又不能解開你的蠔穀, 我一定由窗口掟你落街的. 要品嘗, 唯有要等到出街….(明明人家好想在家開生蠔嘆香檳的…)嗯.. 姜蔥生蠔煲也不錯…..

(90103.jpg )

牙痛帶來的結果係, 第一日昏睡了十三個鐘, 第二日十個鐘, 當牙肉敏感帶來既痛楚減輕時就到牙肉腫痛 (即係熱氣) 痛得左邊面腫了起來, 今日老師想同我算返上一堂既帳, 即係好無禮貌咁執野走人果次, 第一句佢都未UP 完佢已經尖叫 “你流鼻血 !!”, 仲要係巴巴聲咁流, 我亦嚇到走到洗手間止血, 好彩三張紙巾後就止了.

我在奇怪有咩原因會流, 呢排日日都煲薏米水飲, 呢兩日仲煲木瓜瘦肉湯添, 應該好潤架嘛. 點都好, 可以睡得著已經好開心了.

 

我很怕有一些舊客戶打電話來的, 他們大都不知我已去了美國, 一打電話來就向我吐料. 我一聽他們電話就緊張起來, 不能夠決絕地cut 線, 還要像以往一樣找些得像說話回覆, 事實上, 今時今日, 舊公司仍打電話來問公事的. 有時會覺, 很像逃不出的一樣.. 最近, 我真的沒有氣力應付, 失眠已令我承受著巨大痛苦.

 

朋友們都慶賀我可以鬆一口氣, 他們覺得我在美國是真正的休養, 所以有時我任性地要這要那, 朋友們順著我意思寄來. 很窩心. 每次朋友聽見舊公司仍打電話來都破口大罵. 我想, 舊公司的舊同事也很可憐, 每每要執我手尾……

 

去了漂牙, 因我的牙肉比較敏感, 藥水令到所有牙肉陰陰痛,係痛到有電鏄入腦咁, 最慘係, 成效不顯著, 失眠加牙痛, 突然覺得好淒涼, 唉, 路是自己揀的, 不能再埋怨了.

 

天氣涼了, 看中了一件大褸, 249 美金, 捨不得買, 我變得古寒了……

今次既中期考, 沒有放太多心思去溫習, 得過扯過就算了, 最意外的, 出現了一個A, 這個A, 係ACCOUNTING 的, 漸漸, 我對這科開始沒有大反感, 最主要是, 這次的阿SIR 超級NICE, 而且特別的對我很好, 可能是因為堂上大多是留學生為主, 留學生有點毛病就是不主動, 而我就好主動每事問, 每題答, 唔理岩唔岩都好, 都大大聲去答. 他對我有點另眼相看, 可能好少見到D咁唔知醜既學生吧．

其他科, 沒有大希望, 一分耕耘一分收鑊, 結果如何壞我也接受, 這陣子心情壞透了, 因為正在嚴重失眠, 如何努力做運動也救不了, 加上, 我絕對絕對不想再依賴安眠藥 吃了很多年了, 難得在美國戒掉, 不想再重慆復切.

我決定下星期去散心, 因為又開始感覺呼吸困難了……..

餅姐發火有幾勁, 以下就係答案, 去professor 個office 想問佢關於考試既野, but 首先要經一經佢秘書轉話

日本女, 用她又尖又難聽既聲線不耐煩地說 : “我已告訴過你, 他在holiday 中 !”

因事先一堂發完好大脾氣, 全班呆左咁睇住我未夠鐘執野走 (今日仲搵人來同我解釋點上一堂大家有誤會添 ! XD) 日本女簡直火上加油 !!

以下就係我一輪發砲, 日本女期間只能博上一兩句SORRY…

 

今日我先第一次黎呢到, 我唔知佢去左HOLIDAY, 如果我知我都唔想浪費時間上來,  (日女想解釋返佢誤會左我係其中一個已經上過來既學生 ) 你從來無同我講過佢去左HOLIDAY, 點解你會用 “講左” ( 日女已經係咁講 sorry sorry ) 你知唔知你咁樣好無禮貌, 係你上司講如果我地 (學生) 有咩事可以除時上來搵佢 (日女竟然叫我send email 比阿sir !! ), 我唔知會攪到你唔開心, 但你唔開心係同你上司講, 唔係用咁唔禮貌語氣同我講, 係咪我攪到你唔HAPPY, 你知唔知唔係所有野都可以用”文字” 去解釋?  係咪我攪到你唔happy (日女只係講…no..no..), 如果係請告訴我 (果陣成間office 靜哂, 日女都開始語無倫次, 淨係識講 sorry ), 否則告訴我你點解咁唔禮貌 !! (然後我大力啪了一下佢張台, 就轉身走人, 日女呆左目送我出門口)

 

回想, 當年去英國, 個個都以為我脾氣好好, 仲形容我係好patient girl 添, 直到有一次, 有條粉皮, 襯我走開時竟然turn off 我個電腦, 自己login 返, 果時, 我d 同學仔就親眼見我破口大罵條女, 幾乎仲郁埋手添, 個女同我都比大家既同學拉開左, 同學仔事後講, “Deb, 我唔知你識同人罵交添!”,

那時我又回復返以往一樣表情, 笑咪咪無出聲.  (當年個個阿我 Deb 的 )

 

做了幾年野, d 同事都知, 我係一部計時炸彈, 即係, 好多時好似好”淋” 咁, 其實儲緊d 爆炸力 (火氣 ) 一到咁上下就爆比大家睇.