大家選了泰國菜作為food pairing實習, 不約而同地選了德國的 Riesling (有蜜糖味的葡萄白酒, 尤而德國最出名), 因riesling 很多完化, 吃甜品吃咖哩都可以陪得上,

前一晚在家已試了一瓶RIESLING, 頭腦不大醒, 加上又遲到, 一坐就坐向阿SIR 隔離, 混身不自然, 主要原因, 我很討厭他, 已到了見佢後面打佢前面的地步.

一坐下, 就係咁灌, 每一個人都佩服地看一個中國女自隊….

大約一瓶後, HIGH HIGH 地, 從手袋中拿了 “阿嫂” 出來 (請看圖, 不常見的 wine opener), 強迫大家給我用阿嫂開酒 !!

(閱讀全文)

跟友人比葡萄酒, 友人用 29.9 買了一枝加洲的 gewürztraminer (一種白葡萄, 勁香荔枝味), 我就用20 買了一樣法國Alsace 的 gewürztraminer, 加洲的一開, 香味已經追過了我的 Alsace, 好勝的我都不得不服輸!

(閱讀全文)

講開今日考試, 早兩日我已在家拚命做.  Equation 難不了我, 很多年前我已知自己係算死草的人, 驅驅 costing 算係咩, 家課有一題計來計去入住率都over 300 %. 咪玩啦,! 即係講一間用來開房既酒店一日 room occupancy全滿之餘仲超過兩對狗男女去開房姐, 就算九龍塘最頂盛時年代都無咁好生意啦 !!

用左兩個鐘都計唔掂, 放棄, 聽日抄人算了 !!

第二日一早返學校, 我後悔了, 全部早返的, 都來抄我功課, 仲要我解釋, 然後再側疑我用的方法 ( 佢老味丫, 咁唔順就咪q 抄啦 ), 我淨係講解都無時間去溫考試既野, 算 ! 都係少事, 有個阿姐拍台拍chair地唔同意我講既方法 (仲有d 口水噴向我塊面到), 果陣我忍聲告氣, 慢慢地同佢講, 我果條都係抄後面既同學的, 呢招聲東擊西果然有效, 後面的, 已經比佢煩左半個鐘仲向到駁…..

差不多考試時間, 老師向我面前飄過, 我立即把握機會捉實他, 問佢有咩可能一間住宅入住率超過 300 %? 佢比既題目同現實有太大距離了, 老師面色變黑 ! (果陣我都有d 驚佢會秋後算帳的), 佢目無表情冷靜的說 “ 比我諗一諗…”, 我比佢當時既氣勢嚇了一嚇, 死死地氣坐返個位準備考試……….

考完試, 我都係不死心, 話哂都用左兩個鐘向呢題到, 低聲下氣同老師講 (果陣全班人走哂),

“我份功課已經交左, 唔會有可能再做過, 果題用左好多時間去做都唔make sense, 希望你可以話我知, 點樣做得個答案合情理 d”

阿sir 佢低頭沉思一會答 “ 我向個sales revenue 到寫多了一個零, 係我個錯, 全班無可能做岩的…..”,

我啞口無言, 心裡有很多粗口想衝出來, 而且我還自作一條 equation 出來答題目………..

這個星期, 簡直痴了線, 讀書讀得失控, 兩日兩夜沒訓, 還很精神, 拿著本歷史死不放手, 結果要迫自己啪強烈感冒傷風藥去入睡,

但這幾天的test 都不是歷史, 如果你問我是否很喜歡歷史嗎? 那我可以向天發誓, 不 !!, 我討厭得很, 自己國家歷史都攪不好就攪人家歷史成何體統 !!  因為這個是 web class, 不用真正上課, 所以一有機會就讀讀讀, 想快些完成再集中精神其他科目. 歷史消耗了我70%能量.

這兩個星期一口氣完成5個chapters, 再完成兩個, 就可以提早一個月修正這科.

我討厭這科討厭得在assignment 裡面, 寫了很多正罵暗罵美國歷史的文章, 一篇文關於美國人說的偉大總統 (第三任, 寫出獨立宣言, 脫離英國統治的盲炳) Thomas Jefferson, 根本是一個racist, 攪自己的黑奴 (即係同香港有錢佬攪自己個賓妹呢) 同講過唔算數的粉腸.

Andrew Jackson (第七任總統) 同美國著名連環殺手一樣係受童年陰影影響, 大開殺戒地消滅印第安人搶人家地盤, 手段卑鄙毒辣 (特別注明是”美國出產的連環殺手”).

而華盛頓呢, 都不好過好多, 劈櫻桃樹是吹出來的, 仲有樣衰兼無牙.

我的憤恨完全發洩在被迫要寫的文章裡面 (而且預感到這科會羅 A ).

 

在一日一夜沒睡的狀態下, 去了圖書館繼續去讀, 用了有相片的ID, 借了個HEAD PHONE, 去還的時候, 圖書館管理員叫我讀出 ID 裡面的名字, 我反問他 “你是不是沒有眼鏡, 相中的人跟我現在有何分別 ?”, 那天我已經是很客氣了 (都支力到無力發火), 去羅車時, 在倒後鏡望一望自己倒影時, 我以為真的撞邪見鬼……

 

而 ACCOUNT 呢, 我證明了, 雖然大家性格不合, BUT 八字卻很夾, 我又無理頭地羅了個 A 返來..

最慘敗反而是WINE APPREICATION, 猜不到, 會壯烈犧牲在這科………

 

這兩天仍然是很忙, 誓死要完成歷史, 不成功, 便成仁 !! 各位朋友, 我又要失蹤了 !!

放學回家已七點多, 打算今晚好好地溫書, 正當條key 插key hole 時, 啪的一聲嚮, key 一分為二, 想打電話時, 手提無電, 管理處又放左工, 我完全呆左, “唔係咁有型呀嘛, 呢d 拍戲先有咋喎”, 當時我想著.

第一件事就想到拍照為念, but 相機向屋入面.

一個人住最緊要隨機應變, 立即走去對面求救, 對面鄰居就用左兩枝餐刀幫手夾左已斷既key 出來.

But 都係開唔到度門…

羅條已斷既key 去佩, 佢地答斷左既key 係佩唔到的.

睇黃頁打電話去開鎖公司, 佢話要收美金 145同埋唔知幾時到, 佢都傻傻地, 我不如用 100 蚊租一既酒店然後等第二日有人管理處開門! 對面的鄰居明顯係印度人 (呢排同印度人有緣), 我向佢門口已聞到咖哩味. 佢好熱心但幫助不大, 我唯有走去隔離, 開門的是黑人, 其實我有少少驚的, 因為上次佢投訴我個風玲太嘈, 要我拆左佢. 我用極可憐既語氣解釋發生咩事, 少不免眼帶睙光, 引發佢同情心大發, 叫左我入屋坐, 仲同我打電話叫管理處 (24 小時 emergency)搵人來開門.

本來佢地要收 45 蚊的, 不過條友仔我平時都同佢兩句 (出左事先知人際關係如何重要!!), 佢一揮手, 叫算啦, 非常感激, 而且我突然醒起一件事, 同管理員哥哥講 “ 你係唔係想借我果set Simpson 呀 ?”, (上次佢問我借, 我無理佢!), 佢又有型咁揮一揮手說, “咁你聽朝羅比我啦”

 

人在外地, 同鄰居好好咁打好關係好重要的, 每次出事都係佢地幫手的, (雖然佢地好八, 分分鐘聽日成條村都知).