夜晚返屋企見成間屋著哂燈..以為係菲菲清潔中…返到去..原來比人爆格..笨賊更係以為我好有錢..偷左一部四年前最新既IBM 手提電腦, 隔離隻最新DC 又無羅, 樓下抽獎羅到既手提又唔拎, 可能比隻ALARM 嚇到走佬, 當我大笑隻笨賊既時候先發現唔見左隻名錶, 非常肉痛呢, (但係隻野買返來就好貴, 放出去只值幾舊水, 因為唔興丫嘛…)

我部手提要係公司的, 要入PASSWORD 先可以LOGIN, 火牛又羅唔切, 我見到我隻鑽石蝴蝶心口針見佢掉左一邊 (可能最後發現果隻只不過係膠珠蝴蝶心口針…:x)

不過真係嚇x 死我了…

最近接了幾個包生仔工程, 生唔到仔係你錯, 生出黎既仔唔係天才兒童都係你既錯, 生出來既唔生性, 你係錯上加錯, 幫人生左個反骨仔, 你就千夫萬指, 遺臭萬年…可憐我沒有選擇拒絕呢次包生仔工程…

我家那個大格格, 叫我兩個月內arrange 佢結婚所有野, 呢排包生仔行動已經令我人不似人鬼不似鬼, 仲要搵時間幫佢個統籌, 我發火說 “依家你結婚定我結婚呀! 乜q 都要我攪, 連大岑姐都係我搵埋, 你咁覺得咁煩簽字果日我都幫埋你簽丫, 咁你咪唔洗煩羅…..

半年前已經plan 定, 係要臨果兩個月結婚先攪, 攪? 點攪呀 ? 都要個主角現身參與先攪到架, 佢自己衰都係一件事丫, 仲教埋母后點我安排做過大禮d 野 , 大佬呀! 我雲英未嫁架 !! 我鬼識咁多野咩…最q 激氣搵到班人幫手, 問佢意見, 忽然間, 佢低下頭眼濕濕, 同我講, “我驚唔夠時間修身”, 我身旁有一把利器, 我好想一下插入去…….

上次去照回鄉證相, 張證出左黎, 個樣變左九十年代初期既偶像相咁, 得返對眼同鼻孔見到….

(好可怕)

 

(29028.jpg )

可能是上天懲罰我, 不應該寫 “電療” 這篇這樣大玩笑的文章, 因為, 會誤導了一些人….

今晚, 我的電療消失了…

今晚, 我跟有了癌症的人一起吃飯…

吃這個飯, 首先要好好扮演一個不知情的朋友…

這個飯很難吃, 但仍需要裝得很好吃…

有幾次不經意流露了憐憫眼光, 很快找一個無聊的笑話掩飾著… 

他給化療整得皮膚發黑, 皮包骨, 相信, 五尺七吋高的他只淨下低過一百磅, 我剛見他時來了一個很大的震撼, 雖然, 之前有人已警告不要嚇倒…

為了活演今晚的角色, 我要裝得不知情….

輕描淡寫的說…”嘩 ! 瘦了咁多, 快d 教我減肥….!!”

一路吃一路說話來舒緩其他也知情的朋友心情….

他是知道的吧…今晚…他也演活了一個平常人的角色…

 

今日見到李碧華向專欄寫著.

沒 有 「 為 什 麼 ？ 」 。 別 問 「 為 什 麼 ？ 」 。 有 些 問 題 永 無 答 案 。 事 情 發 生 了 ， 只 能 「 面 對 、 接 受 、 處 理 、 放 下 」 ｜